Opinion i Këshillit të Mediave të Shkruara të Kosovës ndaj ankesës së Elvis Fekës kundër portalit Veriu.info
Këshilli i Mediave të Shkruara të Kosovës, në mbledhjen e tij të rregullt të mbajtur më 20 dhjetor 2016, shqyrtoi ankesën e Elvis Fekës kundër portalit Veriu.info lidhur me shkrimin “Qesharake: Asistenti i Kastratit votoi 3 herë”, publikuar më 21 tetor 2016, dhe nxorri këtë
O P I N I O N
- Ankesa miratohet pjesërisht
A R S Y E T I M I
Në ankesën e Elvis Fekës kundër portalit Veriu.info thuhet se portali në fjalë ka shkelur Kreun III, pika 1 ku thuhet se gazetarët dhe redaktorët nuk do të i inkurajojnë qëllimisht apo tërthorazi, diskriminimin dhe jotolerancën. Gjithashtu, në ankesë thuhet se portali Veriu.info ka shkelur Kreun IV pika 1, 2 dhe , pasi nuk e ka botuar reagimin.
Anëtarët e Bordit të KMShK-së konstatuan dhe vendosën se në këtë rast është shkelur vetëm Kreu IV (E drejta për t’u përgjigjur), pasi portali nuk e ka botuar reagimin e derguar nga ankuesi.
Andaj, 13 anëtarët e pranishëm në mbledhje votuan që kjo ankesë të miratohet pjesërisht.
Bazuar në atë që u tha më lartë, KMShK vendosi si në dispozitiv të këtij opinioni.
Këshilli i Mediave të Shkruara të Kosovës